To`ng`iztaroqdoshlar oilasi

Dipsacaceae

Kamyoblik darajasi 1. Shimoliy Pomir-Oloydagi kamyob, endem o`simlik.

Qisqacha tavsifi. Bo`yi 25-40 sm ga yetadigan ko`p yillik o`t. Ildizi yo`g`on, yog`ochlangan, ko`p boshchali. Poyasi 2-5 ta, kam bargli, yuqori qismi shoxlangan, qisqa va uzun oq dag`al tuklar bilan qoplangan. Boshchasi (to`pguli) mevalaganda yumaloq shaklda, diametri 1-1,5 sm. O`rama barglari 3 mm uzunlikda. Gultoji sarg`ish-oq rangli. May-iyun oyida gullab, iyun-iyulda mevasi yetiladi.

Tarqalishi. Zarafshon tizmasida, Samarqand tog`larida, Urgut va To`pxona qishloqlari atroflarida tarqalgan (Samarqand viloyati).

O`sish sharoiti. Tog`larning o`rta qismida tosh-shag`alli yonbag`irlarda o`sadi.

Soni. Yakka-yakka holda uchraydi.

Kqpayishi. Urug`idan ko`payadi.

O`simlik soni va arealining o`zgarish sabablari. Aniqlanmagan.

Madaniylashtirilishi. By haqda ma'lumotlar yo`q.

Muhofaza choralari. Qizil kitobga kiritilgan. Maxsus muhofaza tadbirlari ishlab chiqilmagan. Tabiatda tarqalishini, sonini hamda kamyobligini aniqlash kerak.